സീയെല്ലെസ്‌ ബുക്സ്‌,തളിപ്പറമ്പ


സ്വാഗതം......!!
അക്ഷരങ്ങളെ സ്നേഹിക്കുകയും,ആദരിക്കുകയും,അംഗീകരിക്കുകയുംചെയ്യുന്ന ഏവരേയും സീയെല്ലെസ്‌ബുക്സിലേയ്ക്‌ സ്നേഹപൂര്‍വ്വം സ്വാഗതംചെയ്യുന്നു. .....


തികച്ചും സുതാര്യവും നിഷ്പക്ഷവുമായ ഒരുകുഞ്ഞു സംരംഭമാണിത്‌.സീയെല്ലെസ്ബുക്സിന്റെ തുടര്‍പ്രവര്‍ത്തനങ്ങളില്‍ ആത്മാര്‍ഥമായി സഹകരിക്കുകയും അതിന്റെ വിജയത്തിനു വേണ്ട അഭിപ്രായങ്ങളും നിര്‍ദ്ദേശങ്ങളും നല്‍കുകയും ചെയ്യുക എന്നതല്ലാതെ ഇതില്‍ അംഗങ്ങളാകുവാന്‍ മറ്റു വ്യവസ്ഥകളൊന്നുമില്ല.


താല്‍പര്യമുള്ള ആര്‍ക്കും ഈ കൂട്ടായ്മയില്‍ പങ്കുചേരാം.
എഴുതുവാന്‍ കഴിവുള്ളവരുടെ രചനകള്‍ പുസ്തകമാക്കാനുള്ള സൗകര്യം സീയെല്ലെസ്‌ ബുക്സ്‌ ചെയ്തു തരും സൗജന്യ നിരക്കില്‍ ഇതിലെ അംഗങ്ങള്‍ക്ക്‌ പുസ്തകം എത്തിച്ചു കൊടുത്തും,
പുസ്തകശാലകള്‍, മറ്റുമാര്‍ഗ്ഗങ്ങള്‍ഇവയുടെ സഹകരണം ലഭ്യമാക്കിയും വിതരണവും സാദ്ധ്യമാക്കുന്നതാണ്‌.സീയെല്ലെസ്ബുക്സിന്റെ ഈ എളിയ സംരംഭത്തില്‍ ഏവരുടേയും നിസ്വാര്‍ഥ സാന്നിദ്ധ്യം സ്നേഹപൂര്‍വ്വം അഭ്യര്‍ഥിക്കുന്നു.
ലോകത്തിന്റെ ഏതു കോണിലായാലും ഗൃഹാതുരത്വം അനുഭവിക്കുന്ന മലയാളികളുടെ മനസ്സിന്‌ സാന്ത്വനമാകാന്‍ സിയെല്ലെസ്‌ ബുക്സ്‌ സദാസന്നദ്ധരാണ്‌.
ഒരിക്കല്‍ക്കൂടിസ്വാഗതം ആശംസിച്ചുകൊണ്ട്‌,
വിശ്വസ്തതയോടെ

പ്രസാധകര്‍

Tuesday, April 19, 2011

പുസ്തകപ്രകാശന റിപ്പോര്‍ട്ട്

തളിപ്പറമ്പ് സീയെല്ലെസ് ബുക്സ് പ്രസിദ്ധീകരിച്ച മൂന്ന് പുസ്തകങ്ങളുടെ പ്രകാശനം മലയാളഭാഷയുടെ പിതാവായ എഴുത്തച്ഛന്റെ സ്മരണ ഉണര്‍ത്തിയ തിരൂരിലെ തുഞ്ചന്‍ പറമ്പില്‍ വച്ച് ശ്രീ കെ.പി.രാമനുണ്ണി നിര്‍വഹിച്ചു.

ബ്ലോഗര്‍മാരുടെ കവിതകളുടെ സമാഹാരമായ മൌനജ്ജ്വാലകള്‍ ശ്രീ കെ പി രാമനുണ്ണി യില്‍ നിന്നുംബ്ലോഗര്‍ ശ്രീ ഖാദര്‍ പട്ടേ പ്പാടം ഏറ്റു വാങ്ങി
ചിത്രങ്ങൾ.. 1 2


2.
നേരുറവകള്‍


ബ്ലോഗര്‍ മാരുടെ കഥാ സമാഹാരമായ നേരുറവകള്‍ കൈയേറ്റത് പ്രശസ്ത ബ്ലോഗര്‍ പാവത്താന്‍ ആണ്.
ചിത്രങ്ങൾ.. 1 2

ജോമോന്‍ ആന്റണിയുടെ 23 കഥകളുടെ സമാഹാരം ഓക്സിജന്‍ ഏറ്റു വാങ്ങിയത് പ്രശസ്ത ബ്ലോഗറും ദീപിക പത്രത്തിന്റെ സബ് എഡിറ്ററുമായ ശ്രീ:സന്ദീപ്‌ സലിം ആണ്
ചിത്രങ്ങൾ. 1 2



ബ്ലോഗ്ഗേര്‍സിന്റെ രചനകള്‍ ഇങ്ങനെ വെളിച്ചം കാണുന്നതില്‍ ശ്രീ രാമനുണ്ണി സര്‍ സന്തോഷവും ആശംസയും അറിയിച്ചു.സമാഹാരത്തിലെ ചില രചനകളെപ്പറ്റി അദ്ദേഹം പ്രത്യേകം പ്രതിപാദിക്കുകയുണ്ടായി.
ബ്ലോഗ്‌ മീറ്റിലെ ഒരു പ്രധാന പരിപാടിയായിരുന്നു പുസ്തകങ്ങളുടെ പ്രകാശനം.
ശ്രീമതി ലീല എം ചന്ദ്രന്‍ എല്ലാവര്ക്കും നന്ദി പറഞ്ഞു.

18 comments:

മുഹമ്മദ്‌ സഗീര്‍ പണ്ടാരത്തില്‍ said...

ആശംസകൾ.ഇനിയും ഒരായിരം പുസ്തകങ്ങൾ ഇറക്കാൻ കഴിയട്ടെ എന്നാശംസിക്കുന്നു.

ബിഗു said...

അഭിനന്ദനങ്ങള്‍ ഒരായിരം ഭാവുകങ്ങള്‍

Akbar said...

ഈ നല്ല സംരംഭത്തിന് എല്ലാ ഭാവുകങ്ങളും നേരുന്നു. മലയാള ഭാഷയെ, ബൂലോകത്തെ എഴുത്തുകാരെ പ്രോത്സാഹിപ്പിക്കുന്ന സുമനസ്സുകള്‍ക്ക്‌ ആശംസകള്‍

കുസുമം ആര്‍ പുന്നപ്ര said...

ആശംസകള്‍

യൂസുഫ്പ said...

സഹകരിപ്പിച്ചതിൽ നന്ദിയുണ്ട്.

മഞ്ഞുതുള്ളി (priyadharsini) said...

ഒരു സുദിനം...

ഷംസ്-കിഴാടയില്‍ said...

അഭിനന്ദനങ്ങള്‍ ഒരായിരം ഭാവുകങ്ങള്‍

Muneer N.P said...

പുസ്തകങ്ങളിലൂടെ ബ്ലോഗെഴുത്തിനെ പുറലോകത്തേക്കെത്തിക്കുന്ന ഇത്തരം മുന്നേറ്റങ്ങള്‍ക്കു എല്ലാ പ്രോത്സാഹനവും ആശംസകളും നല്‍കുന്നു.
ഈ സംരഭത്തെ ഏറ്റെടുത്ത് ഊര്‍ജ്ജസ്വലതയോടെ ചെയ്ത് തീര്‍ക്കുന്ന ടീച്ചര്‍ക്ക് എല്ലാ അഭിനന്ദനങ്ങളും നേരുന്നു.

ManzoorAluvila said...

Congrats for the entire team..

ഉമേഷ്‌ പിലിക്കൊട് said...

ആശംസകള്‍

pallikkarayil said...

സന്തോഷകരമായ വിവരങ്ങൾ..

മൌനജ്വാലകൾ എന്ന കവിതസമാഹാരത്തിൽ ഒരെളിയ സാന്നിദ്ധ്യമായി പങ്കുചേരാൻ കഴിഞ്ഞു എന്ന സംത്ര്‌പ്തിയുമുണ്ട്.

സി.എൽ.എസ് എന്ന സംരംഭത്തിനു എല്ലാ വിജയങ്ങളും നേരുന്നു.

Ranjith Chemmad / ചെമ്മാടന്‍ said...

എല്ലാ വിജയാശംസകളും...

ശാന്ത കാവുമ്പായി said...

സന്തോഷം തോന്നി.

Manoraj said...

ആശംസകള്‍

കുഞ്ഞൂസ് (Kunjuss) said...

ആശംസകള്‍...

Sreekumar Elanji said...

എല്ലാ വിധ ആശംസകളും നേരുന്നു.. എസ്എസ് എല്‍ സി മൂല്ല്യനിര്‍ണ്ണയ ക്യാമ്പില്‍ ആയിരുന്നതിനാല്‍ പങ്കെടുക്കുവാന്‍ കഴിഞ്ഞില്ല.ഞങ്ങളുടെ ക്യാമ്പില്‍ നിന്ന് ഒരു വിദ്യാരംഗം ബ്ലോഗ്‌ പ്രതിനിധി അവിടെ വന്നിരുന്നു. ലീല ടീച്ചറിനെ പരിചയപ്പെടണമെന്ന് ഞാന്‍ പ്രത്യേകം പറഞ്ഞിരുന്നു.ഒരിക്കല്‍ ക്കൂടി നന്മകള്‍ നേര്‍ന്നുകൊണ്ട്..

Geetha said...

:) All the Best

MIDAS said...

Best wishes....

ഉദ്ഘാടനവും ആദ്യകൃതിയുടെപ്രകാശനവും

2007ജൂണ്‍ 30ന്‌വൈകുന്നേരം 5മണിക്ക്‌ പ്രൊഫ: പി.മോഹന്‍ ദാസിന്റെ അദ്ധ്യക്ഷതയില്‍ സീയെല്ലെസ്‌ ബുക്സിന്റെ ഔപചാരികമായ ഉദ്ഘാടനം മലയാളത്തിന്റെ പ്രിയ കഥാകാരന്‍ ശ്രീ. ടി. പദ്‌മനാഭന്‍, ശ്രീമതി ലീല എം ചന്ദ്രന്റെ "ലൗലി ഡാഫോഡില്‍സ്‌"എന്ന നോവല്‍ ശ്രീ.ടി.എന്‍.പ്രകാശിനു നല്‌കി നിര്‍വഹിച്ചു.
സീയെല്ലെസ്‌ ബുക്സിന്റെ ഈ നൂതന സംരംഭത്തെ ഉദ്ഘാടന പ്രസംഗത്തില്‍ അദ്ദേഹം മുക്തകണ്‍ഠം പ്രശംസിച്ചു. മുഖ്യ പ്രഭാഷകന്‍ ശ്രീ.ടി.എന്‍.പ്രകാശ്‌ സീയെല്ലെസ്‌ ബുക്സിന്റെ ഉദ്ദേശ്യ ലക്ഷ്യങ്ങളില്‍ സംതൃപ്തി പ്രകടിപ്പിക്കുകയും ആശംസകള്‍ നേരുകയുംചെയ്തു.
പ്രൊഫ:ഡോ:പ്രിയദര്‍ശന്‍ ലാല്‍ നോവല്‍ സദസ്സിനു പരിചയപ്പെടുത്തി.പെണ്ണെഴുത്തിന്റെ പരാധീനതകളില്ലാതെ പക്വമാര്‍ന്ന ശൈലിയില്‍ സാങ്കേതികത്തികവോടെ രചിക്കപ്പെട്ട നോവലാണ്‌ ലൗലീ ഡാഫോഡില്‍സെന്ന് അദ്ദേഹം സാക്ഷ്യപ്പെടുത്തി.
വായനയുടെ കാര്യത്തില്‍ അലസരായവരും ഈ നോവല്‍ ഒന്നു മറിച്ചു നോക്കാന്‍ മനസ്സുകാണിച്ചാല്‍ അതു വായിക്കുമെന്നകാര്യം ഉറപ്പാണെന്ന് ശ്രീ.പയ്യന്നൂര്‍ കുഞ്ഞിരാമന്‍,ശ്രീ.പി.മഹേശ്വരന്‍ നമ്പൂതിരി എന്നിവര്‍ ആശംസാ പ്രസംഗത്തില്‍ അഭിപ്രായപ്പെട്ടു.
നിറഞ്ഞ സദസ്സില്‍ മാധ്യമ പ്രവര്‍ത്തകര്‍,ദൂരെദിക്കുകളില്‍ നിന്നും ഇതിനായിമാത്രം എത്തിപ്പെട്ട ഓര്‍ക്കുട്ട്‌ സുഹൃത്തുക്കള്‍ തുടങ്ങിയവര്‍ ഉള്‍പ്പെട്ടിരുന്നു.ശ്രീമതി ലീല എം.ചന്ദ്രന്‍ ഏവര്‍ക്കും ഹൃദയപൂര്‍വം നന്ദി പറഞ്ഞു......ലളിതമായ ചായ സല്‍ക്കാരത്തോടു കൂടി യോഗം സമംഗളം സമാപിച്ചു......


രണ്ടാം പുസ്തകപ്രകാശനം

സീയെല്ലെസ്‌ ബുക്സ്‌ പ്രസിദ്ധീകരിക്കുന്ന ശ്രീമതി ശ്രീജ ബാലരാജിന്റെ 'കണ്ണാടിച്ചില്ലുകള്‍' എന്ന കവിതാസമാഹാരം പ്രശസ്ത നിരൂപകനും വാഗ്മിയുമായ പ്രൊഫ: എം.കെ.സാനു പ്രിയ കവി ശ്രീ.ബാലചന്ദ്രന്‍ ചുള്ളിക്കാടിനു നല്‍കി പ്രകാശനം നിര്‍വഹിക്കുന്നു.
വേദി: ശ്രീ അച്യുതമേനോന്‍ മെമ്മോറിയല്‍ ഹാള്‍, എറണാകുളം.സമയം:2007ഡിസംബര്‍ 22ന്‌

കാര്യപരിപാടി
ഈശ്വരപ്രാര്‍ഥന: സ്വാഗതം: ലീല എം ചന്ദ്രന്‍
‍അദ്ധ്യക്ഷന്‍: ശ്രീ കെ.കരുണാകരന്‍[അസ്സി.എക്സൈസ്‌ കമ്മീഷണര്‍(ലോ),എറണാകുളം.
പുസ്തക പ്രകാശനം:പ്രൊഫ:എം.കെ,സാനു
പുസ്തക പരിചയം:ശ്രീ ബാലചന്ദ്രന്‍ ചുള്ളിക്കാട്‌
ആശംസകള്‍:ശ്രീ ബാബു മാത്യു.(സീക്കര്‍,മുംബൈ.):
ശ്രീ :ജയകുമാര്‍ ചെങ്ങമനാട്‌(വൈലോപ്പിള്ളി അവാര്‍ഡ്‌ ജേതാവ്‌):
ശ്രീ :എ.കെ ജോസഫ്‌
കവിതാലാപനം:ശ്രീ.കല്ലറഗോപന്‍
ശ്രീ : പ്രദീപ്‌ സോമസുന്ദരന്‍
മറുവാക്ക്‌: ശ്രീമതി ശ്രീജാ ബാലരാജ്‌.

സീയെല്ലെസ്‌ ബുക്സിന്റെ രണ്ടാമത്തെ പുസ്തകം ശ്രീമതി ശ്രീജ ബാലരാജ്‌ രചിച്ച'കണ്ണാടിച്ചില്ലുകള്‍'എന്ന കവിതാസമാഹാരം ,
എറണാകുളം ശ്രീ അച്യുതമേനോന്‍ മെമ്മോറിയല്‍ ഹാളില്‍ നടന്ന ചടങ്ങില്‍ പ്രൊഫ: എം.കെ.സാനു ശ്രീ ബാലചന്ദ്രന്‍ ചുള്ളിക്കാടിനു നല്‍കി പ്രകാശനം നിര്‍വ്വഹിച്ചു.
അറിയപ്പെടുന്ന പ്രസാധകര്‍ പുതിയ എഴുത്തുകാരെ പ്രോത്സാഹിപ്പിക്കാന്‍ മടികാണിക്കുന്ന ഈ കാലത്ത്‌ അങ്ങിനെയുള്ളവരുടെ കൃതികള്‍ പ്രസിദ്ധീകരിക്കാന്‍ തയ്യാറാകുന്ന സീയെല്ലെസ്ബുക്സിന്റെ ദൗത്യം തികച്ചും അഭിനന്ദനം അര്‍ഹിക്കുന്നതാണെന്ന് സാനു സാര്‍ തന്റെ പ്രസംഗത്തില്‍ പ്രത്യേകം എടുത്തു പറഞ്ഞു. തന്റെ ശിഷ്യയായ ശ്രീജയുടെ കവിതകള്‍ കാവ്യഗുണം തികഞ്ഞതാണെന്ന് അദ്ദേഹം വ്യക്തമാക്കി. ഒരു കവയത്രി എന്നനിലയില്‍ ശ്രീജ അറിയപ്പെടട്ടെ എന്നും അദ്ദേഹം ആശംസിച്ചു.

ധര്‍മ്മസങ്കടങ്ങളുടെ ശബ്ദരേഖയാണ്‌ ശ്രീജയുടെ കവിതകള്‍ എന്ന് ബാലചന്ദ്രന്‍ ചുള്ളിക്കാട്‌ തന്റെ പ്രസംഗത്തില്‍ അറിയിച്ചു.
സ്നേഹത്തിന്റെ ആഹ്ലാദവും സ്നേഹരാഹിത്യത്തിന്റെ വേദനയും പലതലങ്ങളില്‍, പലരീതികളില്‍ ആവിഷ്കരിക്കുന്ന ഈ രചനാ വൈഭവം നെടുവീര്‍പ്പുകളിലൂടെ നമ്മെ നന്മയിലേയ്ക്ക്‌ ക്ഷണിക്കുകയാണ്‌. ഊഷരമായ ഇന്നത്തെ മനുഷ്യാവസ്ഥയില്‍ അത്ര തന്നെ ധാരാളം എന്ന് അവതാരികയിലും അദ്ദേഹം രേഖപ്പെടുത്തിയിരുന്നു.

ശ്രീജയുടെ ഓരോ കവിതകളും ഒന്നിനൊന്നു മെച്ചപ്പെട്ടവയെന്ന് അദ്ധ്യക്ഷനും ആശംസാ പ്രാസംഗീകരും ഏകകണ്‍ഠമായി അഭിപ്രായപ്പെട്ടു.
ശ്രീ. ബാബു മാത്യു "കണ്ണാടിച്ചില്ലുകളി" ലെകവിതകളെക്കുറിച്ച്‌ നല്ലൊരു പഠനംതന്നെനടത്തിയിരുന്നു. ശ്രീ.കല്ലറ ഗോപന്‍, ശ്രീ.പ്രദീപ്‌ സോമസുന്ദരന്‍ എന്നീ ഗായകര്‍ "കണ്ണാടിച്ചില്ലുകളി"ലെ കവിതകള്‍ ഈണം നല്‍കി പാടിയത്‌ ചടങ്ങിന്റെ ചാരുതയേറ്റി.
ശ്രീമതി ശ്രീജ എല്ലാവര്‍ക്കും ഹൃദയപൂര്‍വം നന്ദി പറഞ്ഞു.