സീയെല്ലെസ്‌ ബുക്സ്‌,തളിപ്പറമ്പ


സ്വാഗതം......!!
അക്ഷരങ്ങളെ സ്നേഹിക്കുകയും,ആദരിക്കുകയും,അംഗീകരിക്കുകയുംചെയ്യുന്ന ഏവരേയും സീയെല്ലെസ്‌ബുക്സിലേയ്ക്‌ സ്നേഹപൂര്‍വ്വം സ്വാഗതംചെയ്യുന്നു. .....


തികച്ചും സുതാര്യവും നിഷ്പക്ഷവുമായ ഒരുകുഞ്ഞു സംരംഭമാണിത്‌.സീയെല്ലെസ്ബുക്സിന്റെ തുടര്‍പ്രവര്‍ത്തനങ്ങളില്‍ ആത്മാര്‍ഥമായി സഹകരിക്കുകയും അതിന്റെ വിജയത്തിനു വേണ്ട അഭിപ്രായങ്ങളും നിര്‍ദ്ദേശങ്ങളും നല്‍കുകയും ചെയ്യുക എന്നതല്ലാതെ ഇതില്‍ അംഗങ്ങളാകുവാന്‍ മറ്റു വ്യവസ്ഥകളൊന്നുമില്ല.


താല്‍പര്യമുള്ള ആര്‍ക്കും ഈ കൂട്ടായ്മയില്‍ പങ്കുചേരാം.
എഴുതുവാന്‍ കഴിവുള്ളവരുടെ രചനകള്‍ പുസ്തകമാക്കാനുള്ള സൗകര്യം സീയെല്ലെസ്‌ ബുക്സ്‌ ചെയ്തു തരും സൗജന്യ നിരക്കില്‍ ഇതിലെ അംഗങ്ങള്‍ക്ക്‌ പുസ്തകം എത്തിച്ചു കൊടുത്തും,
പുസ്തകശാലകള്‍, മറ്റുമാര്‍ഗ്ഗങ്ങള്‍ഇവയുടെ സഹകരണം ലഭ്യമാക്കിയും വിതരണവും സാദ്ധ്യമാക്കുന്നതാണ്‌.സീയെല്ലെസ്ബുക്സിന്റെ ഈ എളിയ സംരംഭത്തില്‍ ഏവരുടേയും നിസ്വാര്‍ഥ സാന്നിദ്ധ്യം സ്നേഹപൂര്‍വ്വം അഭ്യര്‍ഥിക്കുന്നു.
ലോകത്തിന്റെ ഏതു കോണിലായാലും ഗൃഹാതുരത്വം അനുഭവിക്കുന്ന മലയാളികളുടെ മനസ്സിന്‌ സാന്ത്വനമാകാന്‍ സിയെല്ലെസ്‌ ബുക്സ്‌ സദാസന്നദ്ധരാണ്‌.
ഒരിക്കല്‍ക്കൂടിസ്വാഗതം ആശംസിച്ചുകൊണ്ട്‌,
വിശ്വസ്തതയോടെ

പ്രസാധകര്‍

Wednesday, November 21, 2012





സുഹ്‌റുത്തുക്കളെ,
തളിപ്പറമ്പ്, സീയെല്ലെസ് ബുക്സിന്റെ     “ നാടൻ പാട്ടുകൾ“(സീയെല്ലെസ് കളക്ഷൻ),
ലീല എം ചന്ദ്രന്റെ “പാടിരസിക്കാം“(കുട്ടിക്കവിതകൾ) എന്നീ രണ്ടു പുസ്തകങ്ങൾ കൂടി പ്രസിദ്ധീകരിക്കപ്പെട്ടു എന്ന സന്തോഷ വാർത്ത പങ്കുവയ്ക്കുന്നു. തളിപ്പറമ്പ് ഐ എം എ ഹാളിൽ  വച്ചു നടന്ന പ്രകാശനച്ചടങ്ങിൽ പ്രസിദ്ധ സിനിമ താരം ശ്രീ.ജഗനാഥവർമ്മയുടെ മഹനീയ സാന്നിദ്ധ്യം ഞങ്ങൾക്കു വരദാനമായിരുന്നു.ഏവരുടേയും അനുഗ്രഹാശിസ്സുകൾ ഞങ്ങൾക്കുണ്ടാകുമല്ലൊ





നാടൻ പാട്ടുകൾ.(സീയെല്ലെസ് കളക്ഷൻസ്)
അവതാരിക.ഡോ.പി.മോഹൻ ദാസ്
പ്രസാധകർ. സീയെല്ലെസ് ബുക്സ് ,തളിപ്പറമ്പ
വില.35രൂ.



പാടിരസിക്കാം.(കുട്ടിക്കവിതകൾ)
കവയിത്രി. ലീല എം ചന്ദ്രൻ
പ്രസാധകർ. സീയെല്ലെസ് ബുക്സ് ,തളിപ്പറമ്പ
വില.25രൂ.
പുസ്തകം സ്വന്തമാക്കുവാന്‍ അഡ്രസ്സ് ,പിന്‍ കോഡും ഫോണ്‍ നമ്പരുമടക്കം
9747203420
എന്ന നമ്പറില്‍    എസ്.എം.എസ് ചെയ്യുകയോ ,വിളിക്കുകയോ ചെയ്യുക.
ഞങ്ങളുടെ വിലാസം 
മാനേജര്‍ , സീയെല്ലെസ് ബുക്സ്,തളിപ്പറമ്പ.പി.ഓ.കണ്ണൂര്‍ ,
കേരള.പിന്‍ .670141ph:9747203420
e-mail.clsbuks@gmail.com
നേരിട്ടും വിപിപിയായും കൊറിയര്‍ വഴിയും ബുക്കുകള്‍ എത്തിച്ചു തരുന്നതാണ്.

സീയെല്ലെസിന്റെ  പുസ്തകങ്ങള്‍  കിട്ടുന്ന  മറ്റു  സ്റ്റാളുകള്‍ 
കേരള ബുക്ക് മാര്‍ക്ക്‌ (എല്ലാ ശാഖകളിലും.)
ഡിസംബര്‍ ബുക്സ്, പയ്യന്നൂര്‍,
സമയം ബുക്സ് ,കണ്ണൂര്‍,
സന്ദേശ ഭവന്‍ ,തലശ്ശേരി ,
പ്രണത ബുക്സ് കൊച്ചി,
പൂര്‍ണ്ണ ബുക്സ് ,കോഴിക്കോട്,
റീഡേര്‍സ് ഗാര്‍ഡന്‍ ,കണ്ണൂര്‍.
എ വണ്‍   പബ്ലിഷേഴ്സ് ,കണ്ണൂര്‍.
കൂടാതെ,
puzha.com ,  indhulekha.com  എന്നീ ഓണ്‍ലൈന്‍ വില്പന കേന്ദ്രങ്ങളില്‍  നിന്നും പുസ്തകം ലഭ്യമാകുന്നതാണ്.

Monday, September 3, 2012


 ഇതള്‍ കൊഴിഞ്ഞൊരു നിശാഗന്ധി

 ഒരു പുതിയ   കവയിത്രിയെ സീയെല്ലെസ് ബുക്സ് വായനക്കാര്‍ക്കായി പരിചയപ്പെടുത്തുന്നു.ഫ്ലൈ ദുബൈ എന്ന വിമാന കമ്പനിയില്‍എയര്‍ ഹോസ്റ്റസ് ആയി ജോലി ചെയ്യുന്ന ജിലു ആഞ്ചല എന്ന ഇരുപത്തിരണ്ടുകാരി.ഔദ്യോഗിക ജോലിക്കിടയിലെ സമയം കവിതാ രചനയ്ക്കായി മാറ്റി വച്ചിട്ടുള്ള   നല്ലൊരു ബ്ലോഗര്‍ .ദിവസവും ജിലുവിന്റെ ബ്ലോഗില്‍ മിനിമം അഞ്ചു കവിതകളെങ്കിലും പോസ്റ്റ്‌ ചെയ്യപ്പെട്ടിട്ടുണ്ടാകും.കവിത ജിലുവിന്റെ കളിപ്പാട്ടമാണ്.കൂട്ടുകാരിയാണ്‌.ആത്മാവിന്റെ അംശമാണ് ...ആ കവിതകളിലൂടെ കടന്നു പോകുമ്പോള്‍ സാധാരണയില്‍ നിന്നും വ്യത്യസ്തമായ ഒരനുഭൂതിയാണ് വായനക്കാര്‍ക്കുണ്ടാകുക.അത്തരം കവിതകളില്‍ നിന്നും തെരഞ്ഞെടുക്കപ്പെട്ട അമ്പതു കവിതകള്‍
ഇതള്‍ കൊഴിഞ്ഞൊരു നിശാഗന്ധി

എന്ന പേരില്‍ പുറത്തിറങ്ങുന്നു ..അതിന്റെ പ്രകാശനം ദുബൈയില്‍ വച്ച്  അടുത്ത മാസം നടക്കും .
എല്ലാവര്‍ക്കുമുള്ള പ്രത്യേക ക്ഷണം ഉണ്ടാകും .എത്തിച്ചേരാന്‍ കഴിയുന്ന എല്ലാവരും തദവസരം പ്രയോജന പ്പെടുത്തും എന്നും ഒരു യുവ കവയിത്രിയുടെ വളര്‍ച്ചയ്ക്ക് പ്രോത്സാഹനം നല്‍കുമെന്നും പ്രതീക്ഷിക്കുന്നു.

പുസ്തകത്തിന്റെ വിവരങ്ങള്‍
പേര് - ഇതള്‍ കൊഴിഞ്ഞൊരു നിശാഗന്ധി  (കവിതകള്‍ )
കവയിത്രി- ജിലു ആഞ്ചല
അവതാരിക- ശ്രീ പവിത്രന്‍ തീക്കുനി.
പേജ് -64
വില- 50 രൂപ
പ്രസാധകര്‍ -സീയെല്ലെസ് ബുക്സ് ,തളിപ്പറമ്പ.

പുസ്തകം സ്വന്തമാക്കുവാന്‍ അഡ്രസ്സ് ,പിന്‍ കോഡും ഫോണ്‍ നമ്പരുമടക്കം
9747203420
എന്ന നമ്പറില്‍    എസ്.എം.എസ് ചെയ്യുകയോ ,
വിളിക്കുകയോ ചെയ്യുക.
ഞങ്ങളുടെ വിലാസം 
മാനേജര്‍ ,
സീയെല്ലെസ് ബുക്സ്,
തളിപ്പറമ്പ.പി.ഓ.
കണ്ണൂര്‍ ,
കേരള.
പിന്‍ .670141
ph:9747203420
e-mail.clsbuks@gmail.com
നേരിട്ടും വിപിപിയായും കൊറിയര്‍ വഴിയും ബുക്കുകള്‍ എത്തിച്ചു തരുന്നതാണ്.

സീയെല്ലെസിന്റെ  പുസ്തകങ്ങള്‍  കിട്ടുന്ന  മറ്റു  സ്റ്റാളുകള്‍ 
കേരള ബുക്ക് മാര്‍ക്ക്‌ (എല്ലാ ശാഖകളിലും.)
ഡിസംബര്‍ ബുക്സ്, പയ്യന്നൂര്‍,
സമയം ബുക്സ് ,കണ്ണൂര്‍,
സന്ദേശ ഭവന്‍ ,തലശ്ശേരി ,
പ്രണത ബുക്സ് കൊച്ചി,
പൂര്‍ണ്ണ ബുക്സ് ,കോഴിക്കോട്,
റീഡേര്‍സ് ഗാര്‍ഡന്‍ ,കണ്ണൂര്‍.
എ വണ്‍   പബ്ലിഷേഴ്സ് ,കണ്ണൂര്‍.
കൂടാതെ,
puzha.com ,  indhulekha.com  എന്നീ ഓണ്‍ലൈന്‍ വില്പന കേന്ദ്രങ്ങളില്‍  നിന്നും പുസ്തകം ലഭ്യമാകുന്നതാണ്.

ദയവായി ഈ സൌകര്യങ്ങള്‍ ഫലപ്രദമായി ഉപയോഗപ്പെടുത്തുക.
 





സീയെല്ലെസ്  ബുക്സിന്റെ  കുട്ടിക്കവിതകളുടെ ആദ്യ സമാഹാരം

 തുഷാര ബിന്ദുക്കൾ
രചന കെ എസ് പയ്യാവൂർ  
അവതരിക ശ്രീ.ജോസ് പനച്ചിപ്പുറം.
ആശംസ. ശ്രീ.ഉണ്ണികൃഷ്ണൻ പയ്യാവൂർ 

വില 60 രൂപ 



റിട്ട.പ്രൊഫ.കുന്നത്ത് കോശിയും പൌലോയും പിന്നെ കശുമാവും

  തളിപ്പറമ്പ് സീയെല്ലെസ്സ് ബുക്സിന്റെ പുതിയ കഥാ സമാഹാരം.

റിട്ട.പ്രൊഫ.കുന്നത്ത് കോശിയും പൌലോയും പിന്നെ കശുമാവും
 
ഇന്ന് (29 .04 .12 ) കഥാ കൃത്തായ റവ.ഡോ. ജോസ് മണി പ്പാ റ യുടെ ഷഷ്ഠി  പൂര്‍ത്തി ആഘോഷം നടക്കുന്ന ഇരിട്ടി മൈത്രി ഭവനില്‍ വച്ച്    ഈ പുസ്തകത്തിന്റെ  പ്രകാശനം നടക്കുകയാണ് .ഏവരുടെയും അനുഗ്രഹാശ്ശിസുകള്‍ ഞങ്ങള്‍ സവിനയം അഭ്യര്‍ത്ഥിക്കുന്നതിനോടൊപ്പം റവ.ഡോ.ജോസ് മണിപ്പാറയ്ക്ക് ഞങ്ങള്‍ ആയുരാരോഗ്യ സൌഖ്യം നേരുകയും ചെയ്യുന്നു .

ഇങ്ങനെ ഒരു  അറിയിപ്പു നൽകാനാണ് ഞങ്ങൾ ആഗ്രഹിച്ചത്.പക്ഷെ,ഞങ്ങളുടെ ആശംസ ഫലവത്താകാതെ പോയി.കൂടുതൽ അറിയാൻ ഒന്നിവിടെക്ലിക്കുക. 
   റവ.ഡോ. ജോസ് മണിപ്പാറ യുടെ  രണ്ട്‌ പുസ്തകങ്ങള്‍


 കൊച്ചു കൊച്ചു വാക്യങ്ങളിലൂടെ അറിവ് പകര്‍ന്നു നല്‍കുന്ന, ജീവിതത്തില്‍ പ്രതീക്ഷയുടെ നാമ്പുയര്‍ത്തുന്ന "എല്ലാം എല്ലാം ശുഭമാകും "    എന്ന ജ്ഞാന സൂക്തങ്ങള്‍. 399 സൂക്തങ്ങളിലൂടെ  ജീവിതത്തിന്റെ സര്‍വ മേഖലകളെയും അദ്ദേഹം സ്പര്‍ശിച്ചിരിക്കുന്നു


 

സമൂഹത്തില്‍ നടക്കുന്ന അനീതിക്കും തിന്മകള്‍ക്കുമെതിരെ  പരിഹാസവര്‍ഷം ചൊരിയാൻ  അദ്ദേഹം തന്റെ തൂലിക ചലിപ്പിച്ചു.
ഒരു വൈദികന്റെ ചട്ടക്കൂട്ടില്‍ ഒതുങ്ങുന്നതല്ല അദ്ദേഹത്തിന്റെ ചിന്തകള്‍.രചനയുടെ വഴിയില്‍ അദ്ദേഹം ഒരു വൈദികനേയല്ല.  
തികച്ചും വ്യത്യസ്തനായ ഒരു എഴുത്തുകാരന്‍തന്നെയാണ്.


 "റിട്ട.പ്രൊഫ.കുന്നത്ത് കോശിയും പൌലോയും പിന്നെ കശുമാവും"
 
 എന്ന കഥാസമാഹാരം അതിനു തെളിവാകുന്നു.പുസ്തകത്തിന്റെ പേര് കേള്‍ക്കുമ്പോള്‍ തന്നെ ചുണ്ടില്‍ വിരിയുന്നത് ഒരു ചിരിയാണ്.പക്ഷെ വെറുതെ ചിരിച്ചു തള്ളാനല്ല ,ചിരിയിലൂടെ ചിന്തിപ്പിക്കാനാണ് കഥാകാരൻ  ശ്രമിച്ചത്.

        സീയെല്ലെസ് ബുക്സിന്റെ ഇതുവരെ ചെയ്തതില്‍ നിന്നും തികച്ചും വേറിട്ട രണ്ട്‌ പുസ്തകങ്ങളാണ് ഇവരണ്ടും.


വിശദ വിവരങ്ങൾ 
1പേര്        എല്ലാം എല്ലാം ശുഭമാകും (ജ്ഞാനസൂക്തങ്ങൾ)
വില         50രൂപ 

2 പേര്      
റിട്ട.പ്രൊഫ.കുന്നത്ത് കോശിയും പൌലോയും പിന്നെ കശുമാവും(കഥകൾ)
വില         70രൂപ 
(ഇതിന്റെ രണ്ടാം  പതിപ്പും  ഇറങ്ങിക്കഴിഞ്ഞു)

പ്രസാധകര്‍ -സീയെല്ലെസ് ബുക്സ് ,തളിപ്പറമ്പ.

Saturday, March 31, 2012

ലൌലി ഡാഫോഡില്‍സ്

രണ്ടാം പതിപ്പിനൊരാമുഖം

സീയെല്ലെസ് ബുക്സിന്റെ പ്രഥമ കൃതിയായ, ലീല എം ചന്ദ്രന്റെ  ലൌലി ഡാഫോഡില്‍സ്  എന്ന   നോവല്‍ സഹൃദയ ലോകം  സസന്തോഷം സ്വീകരിച്ചു എന്നതില്‍ ചാരിതാര്‍ത്ഥ്യം ഉണ്ട്.സൂക്ഷ്മമായ ജീവിതാവലോകനവും   വ്യക്തമായ കഥാപാത്രാവിഷ്കാരവും കൊണ്ട് ശ്രദ്ധേയമായ ഈ കൃതിക്ക് രണ്ടാം പതിപ്പ് ഉണ്ടാകുന്നു.
ഉത്തമ സാഹിത്യ സൃഷ്ടികളെ സഹൃദയര്‍ സ്വീകരിക്കുമെന്നും വായനയ്ക്ക് മരണം സംഭവിക്കും എന്ന് പറയുന്നത് മിഥ്യയാണെന്നും തെളിയിക്കുന്നു ഇത്. ഈ രണ്ടാം പതിപ്പും സാംസ്കാരിക കേരളം കൈക്കൊള്ളും എന്ന്   പ്രതീക്ഷിക്കുന്നു.

ബന്ധപ്പെടുക
മാനേജര്‍ ,
സീയെല്ലെസ് ബുക്സ്,
തളിപ്പറമ്പ.പി.ഓ.
കണ്ണൂര്‍ ,
കേരള.
പിന്‍ .670141
ph:9447203420,9747203420
e-mail.clsbuks@gmail.com

നേരിട്ടും വിപിപിയായും കൊറിയര്‍ വഴിയും ബുക്കുകള്‍ എത്തിച്ചു തരുന്നതാണ്.

സീയെല്ലെസിന്റെ  പുസ്തകങ്ങള്‍  കിട്ടുന്ന  മറ്റു  സ്റ്റാളുകള്‍ 
കേരള ബുക്ക് മാര്‍ക്ക്‌ ,
ഡിസംബര്‍ ബുക്സ്, പയ്യന്നൂര്‍,
സമയം ബുക്സ് ,കണ്ണൂര്‍,
സന്ദേശ ഭവന്‍ ,തലശ്ശേരി ,
പ്രണത ബുക്സ് കൊച്ചി,
പൂര്‍ണ്ണ ബുക്സ് ,കോഴിക്കോട്,
റീഡേര്‍സ് ഗാര്‍ഡന്‍ ,കണ്ണൂര്‍.
 

Wednesday, February 1, 2012

സുഹൃത്തേ,
സീയെല്ലെസ് ബുക്സ്  തളിപ്പറമ്പ്  പ്രസിദ്ധീകരിച്ച റവ.ഡോ.ജോസ് മണിപ്പാറയുടെ ''എല്ലാം എല്ലാം ശുഭമാകും''
എന്ന പുസ്തകം വായനക്കാര്‍ക്കായി  സമര്‍പ്പിക്കുന്നു. മനുഷ്യമനസ്സിന്റെ വിഹ്വലതയും നിരാശയും ഏറ്റവും വര്‍ധിച്ച
ഈ കാലഘട്ടത്തില്‍ ഓരോരുത്തരുടെയും ഹൃദയങ്ങളില്‍ പതിക്കുന്ന ആശ്വാസത്തിന്റെ തേന്‍ തുള്ളികളായ
ജ്ഞാനസൂക്തങ്ങള്‍ ആണ്  ഇതിന്റെ ഉള്ളടക്കം .
പുസ്തകം ആവശ്യമുള്ളവര്‍
മാനേജര്‍ ,സീയെല്ലെസ് ബുക്സ് തളിപ്പറമ്പ്,  670141,കണ്ണൂര്‍
(മൊബൈല്‍  നമ്പര്‍.9447203420),
റവ.ഡോ.ജോസ് മണിപ്പാറ,,എടൂര്‍,പായം.പി.ഒ.,കണ്ണൂര്‍
(മൊബൈല്‍  നമ്പര്‍.9747357106)എന്നീ വിലാസങ്ങളില്‍  അറിയിച്ചാല്‍ വിപിപിയായോ കൊറിയരായോ നേരിട്ടോ എത്തിച്ചു തരുന്നതാണ്.
കൂടാതെ സീയെല്ലെസ്സിന്റെ എല്ലാ പുസ്തകങ്ങളും താഴെപ്പറയുന്ന സ്റ്റാളുകളില്‍ നിന്നും നേരിട്ട് വാങ്ങാവുന്നതാണ്.

1.കേരള ബുക്ക് മാര്‍ക്ക്‌  (എല്ലാ സ്റ്റാളുകളില്‍ നിന്നും )
2. പ്രണത ബുക്സ്  കൊച്ചി
3.സന്ദേശഭവന്‍  തലശ്ശേരി
4.സമയം ബുക്സ് ,കണ്ണൂര്‍
5.ഡിസംബര്‍ ബുക്സ് ,പയ്യന്നൂര്‍.

പ്രത്യേക അറിയിപ്പ്
puzha.com ,indhulekha.com എന്നീ ഓണ്‍ലൈന്‍ വില്പന കേന്ദ്രങ്ങളില്‍  നിന്നും പുസ്തകം ലഭ്യമാകുന്നതാണ്.

ദയവായി ഈ സൌകര്യങ്ങള്‍ ഫലപ്രദമായി ഉപയോഗപ്പെടുത്തുക.


ഉദ്ഘാടനവും ആദ്യകൃതിയുടെപ്രകാശനവും

2007ജൂണ്‍ 30ന്‌വൈകുന്നേരം 5മണിക്ക്‌ പ്രൊഫ: പി.മോഹന്‍ ദാസിന്റെ അദ്ധ്യക്ഷതയില്‍ സീയെല്ലെസ്‌ ബുക്സിന്റെ ഔപചാരികമായ ഉദ്ഘാടനം മലയാളത്തിന്റെ പ്രിയ കഥാകാരന്‍ ശ്രീ. ടി. പദ്‌മനാഭന്‍, ശ്രീമതി ലീല എം ചന്ദ്രന്റെ "ലൗലി ഡാഫോഡില്‍സ്‌"എന്ന നോവല്‍ ശ്രീ.ടി.എന്‍.പ്രകാശിനു നല്‌കി നിര്‍വഹിച്ചു.
സീയെല്ലെസ്‌ ബുക്സിന്റെ ഈ നൂതന സംരംഭത്തെ ഉദ്ഘാടന പ്രസംഗത്തില്‍ അദ്ദേഹം മുക്തകണ്‍ഠം പ്രശംസിച്ചു. മുഖ്യ പ്രഭാഷകന്‍ ശ്രീ.ടി.എന്‍.പ്രകാശ്‌ സീയെല്ലെസ്‌ ബുക്സിന്റെ ഉദ്ദേശ്യ ലക്ഷ്യങ്ങളില്‍ സംതൃപ്തി പ്രകടിപ്പിക്കുകയും ആശംസകള്‍ നേരുകയുംചെയ്തു.
പ്രൊഫ:ഡോ:പ്രിയദര്‍ശന്‍ ലാല്‍ നോവല്‍ സദസ്സിനു പരിചയപ്പെടുത്തി.പെണ്ണെഴുത്തിന്റെ പരാധീനതകളില്ലാതെ പക്വമാര്‍ന്ന ശൈലിയില്‍ സാങ്കേതികത്തികവോടെ രചിക്കപ്പെട്ട നോവലാണ്‌ ലൗലീ ഡാഫോഡില്‍സെന്ന് അദ്ദേഹം സാക്ഷ്യപ്പെടുത്തി.
വായനയുടെ കാര്യത്തില്‍ അലസരായവരും ഈ നോവല്‍ ഒന്നു മറിച്ചു നോക്കാന്‍ മനസ്സുകാണിച്ചാല്‍ അതു വായിക്കുമെന്നകാര്യം ഉറപ്പാണെന്ന് ശ്രീ.പയ്യന്നൂര്‍ കുഞ്ഞിരാമന്‍,ശ്രീ.പി.മഹേശ്വരന്‍ നമ്പൂതിരി എന്നിവര്‍ ആശംസാ പ്രസംഗത്തില്‍ അഭിപ്രായപ്പെട്ടു.
നിറഞ്ഞ സദസ്സില്‍ മാധ്യമ പ്രവര്‍ത്തകര്‍,ദൂരെദിക്കുകളില്‍ നിന്നും ഇതിനായിമാത്രം എത്തിപ്പെട്ട ഓര്‍ക്കുട്ട്‌ സുഹൃത്തുക്കള്‍ തുടങ്ങിയവര്‍ ഉള്‍പ്പെട്ടിരുന്നു.ശ്രീമതി ലീല എം.ചന്ദ്രന്‍ ഏവര്‍ക്കും ഹൃദയപൂര്‍വം നന്ദി പറഞ്ഞു......ലളിതമായ ചായ സല്‍ക്കാരത്തോടു കൂടി യോഗം സമംഗളം സമാപിച്ചു......


രണ്ടാം പുസ്തകപ്രകാശനം

സീയെല്ലെസ്‌ ബുക്സ്‌ പ്രസിദ്ധീകരിക്കുന്ന ശ്രീമതി ശ്രീജ ബാലരാജിന്റെ 'കണ്ണാടിച്ചില്ലുകള്‍' എന്ന കവിതാസമാഹാരം പ്രശസ്ത നിരൂപകനും വാഗ്മിയുമായ പ്രൊഫ: എം.കെ.സാനു പ്രിയ കവി ശ്രീ.ബാലചന്ദ്രന്‍ ചുള്ളിക്കാടിനു നല്‍കി പ്രകാശനം നിര്‍വഹിക്കുന്നു.
വേദി: ശ്രീ അച്യുതമേനോന്‍ മെമ്മോറിയല്‍ ഹാള്‍, എറണാകുളം.സമയം:2007ഡിസംബര്‍ 22ന്‌

കാര്യപരിപാടി
ഈശ്വരപ്രാര്‍ഥന: സ്വാഗതം: ലീല എം ചന്ദ്രന്‍
‍അദ്ധ്യക്ഷന്‍: ശ്രീ കെ.കരുണാകരന്‍[അസ്സി.എക്സൈസ്‌ കമ്മീഷണര്‍(ലോ),എറണാകുളം.
പുസ്തക പ്രകാശനം:പ്രൊഫ:എം.കെ,സാനു
പുസ്തക പരിചയം:ശ്രീ ബാലചന്ദ്രന്‍ ചുള്ളിക്കാട്‌
ആശംസകള്‍:ശ്രീ ബാബു മാത്യു.(സീക്കര്‍,മുംബൈ.):
ശ്രീ :ജയകുമാര്‍ ചെങ്ങമനാട്‌(വൈലോപ്പിള്ളി അവാര്‍ഡ്‌ ജേതാവ്‌):
ശ്രീ :എ.കെ ജോസഫ്‌
കവിതാലാപനം:ശ്രീ.കല്ലറഗോപന്‍
ശ്രീ : പ്രദീപ്‌ സോമസുന്ദരന്‍
മറുവാക്ക്‌: ശ്രീമതി ശ്രീജാ ബാലരാജ്‌.

സീയെല്ലെസ്‌ ബുക്സിന്റെ രണ്ടാമത്തെ പുസ്തകം ശ്രീമതി ശ്രീജ ബാലരാജ്‌ രചിച്ച'കണ്ണാടിച്ചില്ലുകള്‍'എന്ന കവിതാസമാഹാരം ,
എറണാകുളം ശ്രീ അച്യുതമേനോന്‍ മെമ്മോറിയല്‍ ഹാളില്‍ നടന്ന ചടങ്ങില്‍ പ്രൊഫ: എം.കെ.സാനു ശ്രീ ബാലചന്ദ്രന്‍ ചുള്ളിക്കാടിനു നല്‍കി പ്രകാശനം നിര്‍വ്വഹിച്ചു.
അറിയപ്പെടുന്ന പ്രസാധകര്‍ പുതിയ എഴുത്തുകാരെ പ്രോത്സാഹിപ്പിക്കാന്‍ മടികാണിക്കുന്ന ഈ കാലത്ത്‌ അങ്ങിനെയുള്ളവരുടെ കൃതികള്‍ പ്രസിദ്ധീകരിക്കാന്‍ തയ്യാറാകുന്ന സീയെല്ലെസ്ബുക്സിന്റെ ദൗത്യം തികച്ചും അഭിനന്ദനം അര്‍ഹിക്കുന്നതാണെന്ന് സാനു സാര്‍ തന്റെ പ്രസംഗത്തില്‍ പ്രത്യേകം എടുത്തു പറഞ്ഞു. തന്റെ ശിഷ്യയായ ശ്രീജയുടെ കവിതകള്‍ കാവ്യഗുണം തികഞ്ഞതാണെന്ന് അദ്ദേഹം വ്യക്തമാക്കി. ഒരു കവയത്രി എന്നനിലയില്‍ ശ്രീജ അറിയപ്പെടട്ടെ എന്നും അദ്ദേഹം ആശംസിച്ചു.

ധര്‍മ്മസങ്കടങ്ങളുടെ ശബ്ദരേഖയാണ്‌ ശ്രീജയുടെ കവിതകള്‍ എന്ന് ബാലചന്ദ്രന്‍ ചുള്ളിക്കാട്‌ തന്റെ പ്രസംഗത്തില്‍ അറിയിച്ചു.
സ്നേഹത്തിന്റെ ആഹ്ലാദവും സ്നേഹരാഹിത്യത്തിന്റെ വേദനയും പലതലങ്ങളില്‍, പലരീതികളില്‍ ആവിഷ്കരിക്കുന്ന ഈ രചനാ വൈഭവം നെടുവീര്‍പ്പുകളിലൂടെ നമ്മെ നന്മയിലേയ്ക്ക്‌ ക്ഷണിക്കുകയാണ്‌. ഊഷരമായ ഇന്നത്തെ മനുഷ്യാവസ്ഥയില്‍ അത്ര തന്നെ ധാരാളം എന്ന് അവതാരികയിലും അദ്ദേഹം രേഖപ്പെടുത്തിയിരുന്നു.

ശ്രീജയുടെ ഓരോ കവിതകളും ഒന്നിനൊന്നു മെച്ചപ്പെട്ടവയെന്ന് അദ്ധ്യക്ഷനും ആശംസാ പ്രാസംഗീകരും ഏകകണ്‍ഠമായി അഭിപ്രായപ്പെട്ടു.
ശ്രീ. ബാബു മാത്യു "കണ്ണാടിച്ചില്ലുകളി" ലെകവിതകളെക്കുറിച്ച്‌ നല്ലൊരു പഠനംതന്നെനടത്തിയിരുന്നു. ശ്രീ.കല്ലറ ഗോപന്‍, ശ്രീ.പ്രദീപ്‌ സോമസുന്ദരന്‍ എന്നീ ഗായകര്‍ "കണ്ണാടിച്ചില്ലുകളി"ലെ കവിതകള്‍ ഈണം നല്‍കി പാടിയത്‌ ചടങ്ങിന്റെ ചാരുതയേറ്റി.
ശ്രീമതി ശ്രീജ എല്ലാവര്‍ക്കും ഹൃദയപൂര്‍വം നന്ദി പറഞ്ഞു.