പ്രിയ സുഹൃത്തേ,
ബിനുവിന്റെ കവിതകള് 'സ്വപ്നങ്ങളിലേക്കുള്ള വഴികള്' പുസ്തകമാവുന്ന വിവരം സസന്തോഷം അറിയിക്കട്ടെ.. അനുഭവങ്ങളെ അക്ഷരങ്ങളാക്കുന്ന ഈപതിനേഴുകാരന്റെ ഓരോ കവിതയും ശരീരവേദനയില്നിന്നുമുള്ള മോചനമാണ്.തളിപ്പറമ്പിലെ സീയെല്ലെസ് ബുക്സ് ആണ് കവിതകള് പൂര്ണ്ണമായും സൗജന്യമായി പ്രസിദ്ധീകരിക്കുന്നത്. ബിനുവിണ്ടെ ചില കവിതകള് http://www.binuvinte-kavithakal.blogspot.com/ മില് പ്രസിദ്ധീകരിച്ചിട്ടുണ്ട്.പുസ്ത്തകത്തിണ്റ്റെ കവര് പേജ് രൂപകല്പ്പന ചെയ്തിരിക്കുന്നത് കമലാലയം രാജന് മാസ്റ്ററാണ്. വ്യത്യസ്തമായ നാലു തരം കവര് പേജുകള്. നാലും കൂട്ടുകാര്ക്കു മുന്പില് സദയം സമര്പ്പിക്കുന്നു. താങ്കള്ക്ക് ഇഷ്ട്ടപ്പെട്ട കവര് പേജ് തിരഞ്ഞെടുത്ത് ബിനുവിണ്റ്റെ സ്വപ്നങ്ങളെ കരുത്തുറ്റതാക്കണമെന്ന് സ്നേഹപൂര്വ്വം അഭ്യര്ഥിക്കുന്നു.
ബിനുവിനും പുസ്തകത്തിനും താങ്കളുടെ പിന്തുണയും സഹായവും നിര്ദേശങ്ങളും ഉറപ്പാക്കുമല്ലോ...
സ്നേഹപൂര്വം,
ബിനുവിന്റെ കൂട്ടുകാര്.
വിലാസം
ബിനു എം ദേവസ്യ,
കാരുണ്യ നിവാസ് , നല്ലൂര്നാട് P.O.
തോണിച്ചാല് ,മാനന്തവാടി ,വയനാട് ജില്ല - 670645
ഫോണ് : 0091 98465 86810
മറ്റു വിവരങ്ങള്ക്ക്:
aksharamonline@gmail.com - 0091 94470 25877.
Tuesday, September 16, 2008
Posted by K G Suraj at 5:52 AM 20 comments
Tuesday, September 2, 2008
മകളേ, മറക്കല്ലേ
ഓര്ക്കണമച്ഛനിപ്പോള് പറയുന്നൊരീ
വാക്കുകളെന്നും, മകളേ
നേര്ക്കുനേര്വന്ന് ചിരിച്ചുകാട്ടുന്നവ-
രൊക്കെ മനുഷ്യരാവില്ല
വല്ലാത്ത കാലമാണിപ്പോള് മനസ്സുകള്-
ക്കുള്ളില് മൃഗീയത മാത്രം
ഇല്ലിറ്റു സ്നേഹം, ദയ, ഭയഭക്തികള്
തെല്ലുമില്ലാ മനുഷ്യത്വം
നന്മ തിന്മാദികള് വെവ്വേറെ കാണണം
ഉണ്മയും പൊയ്യുമേതെന്നും
അമ്മയും ഞാനും നിനക്ക് നല്കീടുന്ന
ഉമ്മ, തിരിച്ചറിയേണം
തൊട്ടതാരെന്നും, അതെന്തിനായിട്ടെന്നും
പെട്ടെന്നു നീ അറിയേണം
ഏട്ടനോ, ഞാനോ തൊടുന്നതില് നിന്നുവേ-
റിട്ടര്ത്ഥം എന്തതിനെന്നും
വാക്കിനാല് നോവിച്ചിടാ, മധുരിയ്ക്കുന്ന
വാക്കില് മയങ്ങിവീഴല്ലേ
ഓര്ക്കേണമെപ്പൊഴും എന്തുചെയ്യുമ്പൊഴും
ആര്ക്കാണതില് ചേതമെന്നും
ഒറ്റയ്ക്ക് പോകണം നീ നിന്റെ പാതയില്
മറ്റൊരാളെത്തുംവരേയ്ക്കും
തെറ്റുകണ്ടാല് തിരുത്തീടുവാനച്ഛന്
പറ്റുമോ, അന്നറിയില്ല.
ഓര്ക്കുക, അച്ഛനിപ്പോള് നിന്നോടോതിയ
വക്കുകള്, എന്നും മകളേ...
Posted by KUTTAN GOPURATHINKAL at 8:14 AM 2 comments